Овој вид е редок во Северна Македонија. Се јавува на само седум локации, каде различни групи собирачи нелегално собираат цели растенија. Поради оваа закана, постои постојан пад на обемот на распространување, површина на населеност, бројот на локации или субпопулации и бројот на зрели единки.

Корените на Gentiana lutea subsp.symphyandra се користат за медицински цели. Бидејќи собирачите го собираат целото растение и популацијата се намалува. Во Северна Македонија, овој вид се користи за приватни медицински цели и во фармацевтската индустрија. Главно се собира нелегално, а одгледувањето на ова растение сè уште не е развиено. Видот се собира во прекумерни количини за медицински намени и покрај статус на заштита.

Gentiana lutea е наведена на Анекс V од Директивата за живеалишта и Анекс Д од ЕУ Регулативата за трговија со див свет (318-2008).

Врз основа на Законот за заштита на природата („Службен весник на Република Македонија“ бр. 67/04 и 14/06), донесена е Наредба (бр. 02-3501/1, 2006 година) за забрана за собирање заради користење и трговија на растителните видови Gentiana lutea и Gentiana punctata. Исто така Gentiana lutea subsp. symphyandra е на Листа 1 – строго заштитени видови „Службен весник на Република Македонија“ бр. 139/67, 2011 година.