НАЦИОНАЛНА ЦРВЕНА ЛИСТА НА РЕПУБЛИКА СЕВЕРНА МАКЕДОНИЈА

Тресетишна пувка

Bovista paludosa

English

Fen puffball

Albanian

/

Назад кон преглед на видови
<< Претходно – Бесрамна пувка
Кралски вргањ- Следно >>
Неоценет Недоволно
податоци		 Најмалку
засегнат		 Близу
засегнат		 Ранлив Загрозен КРИТИЧНО ЗАГРОЗЕН Истребен во природата Истребен
NE DD LC NT VU EN CR EW EX
Таксономија
Податоци за процената
Популација
Живеалишта и екологија
Закани
Користење и трговија
Зачувување
Библиографија

Таксономија

Научно име

Bovista paludosa

Опишан од

Lév.

Синоним

/

Податоци за процената

Критериуми и категории на Црвената листа на IUCN

CR – Критично загрозен: C2а(i), D

Датум на процена

Ноември 2020

Проценувач

Русевска, K.

Прегледал

Kost, G.

Соработници

Караделев, M.

Составена од

Miskovic, M.

Образложение за процената

Видот Bovista paludosa, се развива главно на влажни живеалишта, пред сè високопланински тресетишта. Кај нас е најден на Шар Планина (две локации) и планината Кораб (една локација), на влажни тресетишта со Sphagnum. Бројот на евидентирани податоци е помал од 20. Бројот на плодни тела во сите очекувани живеалишта се проценува дека не надминува 50. Со оглед на загрозеноста на овој тип живеалишта кај нас, но и општо во Европа, како и малиот број локалитети и индивидуи, се предлага во категоријата на ‘критично загрозени’ видови – CR. Според Глобалната црвена листа на загрозени видови на IUCN, видот е оценет како ранлив.

Популација

Моментален тренд на популацијата

Се намалува

Опис

Во С. Македонија, големината на популацијата е незначителна. Бројот на плодни тела во сите очекувани живеалишта се проценува дека не надминува 50.

Живеалишта и екологија

Систем

Копнен (териколен).

Живеалишта и екологија

Видот се врзува за мовови, и расте во тресетишта и блатишта во високопланинскиот појас (подрачје), на надморска височина над 1.800 m. Плодните тела вообичено се појавуваат во текот на летниот период.

Користење и трговија

Користење и трговија

Видот не е од интерес за користење и трговија.

Закани

Закани

Bovista paludosa е вид што се врзува за мовови и расте во едни од најранливите и најзагрозени живеалишта – тресетишта и блатишта како и алкални и неутрални мочуришта и влажни ливади. Овие живеалишта се едни од најзагрозените типови копнени живеалишта поради промените во хидролошкиот систем, површинските води и загадувањето на воздухот (еутрофикацијата), природната сукцесија и ерозија и управувањето со шумите. Оттука, закана за видот претставува уништувањето и деградацијата на живеалиштата. Има доста сознанија за пад на популацијата на овој вид габа. Потврдените и можните локалитети за видот во земјава не се наоѓаат во рамките на заштитени подрачја, со исклучок на локалитет Шкртец (Кораб), што е дел од Националниот парк „Маврово“.

Зачувување

Зачувување

Видот може да се заштити преку зачувување на неговото живеалиште и спречување деградација на сегашните и потенцијалните наоѓалишта. Тука спаѓа спречување промени во режимот на водите, избегнување интензивирање шумарски практики во соседните подрачја, активно спречување шумска сукцесија и ерозија, контрола на практиките што доведуваат до еутрофикација итн. Се препорачува определување клучни локации за заштита.
Видот е дел од Глобалната црвена листа на габи од IUCN, и е оценет како Ранлив A2c+3c+4c
(https://www.iucnredlist.org/species/125433484/125435455).

Библиографија

Библиографија

Kirk, P., 2011. Onward (Continuously updated). Indexfungorum. Website: http://www.indexfungorum.org (accessed 09.2020)

Kreisel, H. (1967). Taxonomisch-Pflanzengeographische monographie der Gattung Bovista. Beihefte zur Nova Hedwigia. 25:1-244.

Rusevska, K. & M. Karadelev. (2014/2015). Distribution of Bovista, Bovistella and Disciseda in the Republic of Macedonia. Biologia Macedonica. 64:55-64. Skopje, Macedonia.

Stalpers J, Cock A (2013). Onward (Continuously updated) MycoBank. Website http://www.mycobank.org (accessed 09.2020)

Dahlberg A., Croneborg H. 2003. 33 threatened fungi in Europe: Complementary and revised information on candidates for listing in Appendix I of the Bern Convention. Uppsala: Swedish Species Information Centre, 2003. 82 p.

Fraiture A., Otto P. (eds) 2015. Distribution, ecology & status of 51 macromycetes in Europe. Results of the ECCF Mapping Programme. Botanic Garden Meise, Meise.