НАЦИОНАЛНА ЦРВЕНА ЛИСТА НА РЕПУБЛИКА СЕВЕРНА МАКЕДОНИЈА

Српска гологлавка

Psilocybe serbica

English

Psilocybe serbica

Albanian

/

Назад кон преглед на видови
<< Претходно – Точкеста лепешкарка
Фоин трат – Следно >>
Неоценет Недоволно
податоци		 Најмалку
засегнат		 Близу
засегнат		 РАНЛИВ Загрозен Критично
загрозен		 Истребен во природата Истребен
NE DD LC NT VU EN CR EW EX
Таксономија
Податоци за процената
Популација
Живеалишта и екологија
Закани
Користење и трговија
Зачувување
Библиографија

Таксономија

Научно име

Psilocybe serbica

Опишан од

M.M. Moser & E. Horak

Синоним

/

Податоци за процената

Критериуми и категории на Црвената листа на IUCN

VU – Ранлив: D1

Датум на процена

Ноември 2020

Проценувач

Русевска, K.

Прегледал

Kost, G.

Соработници

Караделев, M.

Составена од

Miskovic, M.

Образложение за процената

Видот е најден на 4 локалитета со 6 наоди, во мешани листопадни заедници. Со оглед на варијабилноста на популацијата и веројатноста за наоди од други локалитети во мешани листопадни шуми, видот се предлага во категоријата на ‘ранливи’ видови.

Популација

Моментален тренд на популацијата

Стабилна.

Опис

Популацијата на Psilocybe serbica кај нас е варијабилна и зависи од локалитетот. Така, на пример, податокот од наоѓалиштето на Шар Планина се однесува само на неколку примероци додека од останатите локалитети се евидентирани 20-30 плодни тела. Се претпоставува дека вкупната популација на овој вид е неколкукратно поголема.

Живеалишта и екологија

Систем

Копнен (териколен).

Живеалишта и екологија

Видот Psilocybe serbica е варијабилен во поглед на неговата екологија (Borovička et al. 2011), што е потврдено и со податоците од земјава. Овој вид габа кај нас е најден во мешани шумски заедници, а најчесто се развива на распаднати и гнили остатоци од дрвенести растенија, пред сè листопадни, а поретко иглолисни.

Користење и трговија

Користење и трговија

Не се јаде. Габата Psilocybe serbica не е од интерес за користење и трговија во земјава.

Закани

Закани

Главната закана се уништување или фрагментираност на живеалиштата како резултат на сеча на шумите. Исто така, повеќето од локалитетите каде е најден овој вид се во непосредна близина на туристички места или рекреативни центри, поради што закана е и антропогеното влијание.

Шумските пожари, кои што се почести заради климатските промени, може да претставуваат друга значајна закана.

Зачувување

Зачувување

Видот може да се заштити преку спречување фрагментираност на шумите, како и со нивно зачувување. Тука спаѓа избегнување интензивна примена на сеча во шуми или насади, а и во околните реони. Се препорачува активно спречување шумска сукцесија и ерозија, како и определување клучни локации за заштита.

Библиографија

Библиографија

Borovička, J., Noordeloos, M. E., Gryndler M. & M. Oborník (2011). Molecular phylogeny of Psilocybe cyanescens complex in Europe, with reference to the position of the secotioid Weraroa novae-zelandiae. Mycol Progress. 10:149–155. DOI 10.1007/s11557-010-0684-3.

Kirk, P., 2011. Onward (Continuously updated). Indexfungorum. Website: http://www.indexfungorum.org(accessed 11.2020)

Stalpers J, Cock A (2013). Onward (Continuously updated) MycoBank. Website http://www.mycobank.org(accessed 11.2020)

https://www.inaturalist.org/taxa/518938-Psilocybe-serbica(accessed 11.2020)