НАЦИОНАЛНА ЦРВЕНА ЛИСТА НА РЕПУБЛИКА СЕВЕРНА МАКЕДОНИЈА

Блатна болскавичка, Блатна светилка

Mitrula paludosa

English

Bog beacon

Albanian

/

Назад кон преглед на видови
<< Претходно – Распупена чашка
Смреково шајче – Следно >>
Неоценет Недоволно
податоци		 Најмалку
засегнат		 Близу
засегнат		 Ранлив ЗАГРОЗЕН Критично
загрозен		 Истребен во природата Истребен
NE DD LC NT VU EN CR EW EX
Таксономија
Податоци за процената
Популација
Живеалишта и екологија
Закани
Користење и трговија
Зачувување
Библиографија

Таксономија

Научно име

Mitrula paludosa

Опишан од

Fr.

Синоним

Leotia uliginosa Grev.

Clavaria epiphylla Dicks.

Leotia epiphylla (Dicks.) Hook.

 Mitrula phalloides (Bull.) Chevall.

Податоци за процената

Критериуми и категории на Црвената листа на IUCN

EN – Загрозен: B1ab(iii,iv) + 2ab(iii,iv); D

Датум на процена

Ноември 2020

Проценувач

Караделев, M.

Прегледал

Kost, G.

Соработници

Русевска, K.

Составена од

Miskovic, M.

Образложение за процената

Mitrula paludosa е редок вид со фрагментирани и изолирани популации. Познат е од два локалитета, и тоа едниот во заштитено подрачје (Национален парк „Маврово“), а другиот на Осоговските Планини. Неговите живеалишта се загрозени поради промени во хидролошкиот систем, загадување на површинските води и загадување на воздухот (еутрофикација), природна сукцесија, ерозија и управување со шумите. Оттука, закана за видот претставува уништувањето и фрагментираноста на живеалиштата. Бројот на единки е проценет на околу 200 и тие имаат многу мал проценет обем на распространување (ЕОО) од 3.593 km2 и површина на населеност (AOO) од 16 km2, што целосно одговара на предложената категоризација според IUCN.

Популација

Моментален тренд на популацијата

Се намалува

Опис

Во С. Македонија, големината на популацијата е незначителна. Бројот на плодни тела во сите очекувани живеалишта се проценува на приближно 200.

Живеалишта и екологија

Систем

Копнен (лигниколен/бриофилен).

Живеалишта и екологија

Mitrula paludosa е сапробен вид што расте на гнили лисја, гранчиња и мовови во мочуришта, блата, влажни прокопи, како и по плитките рабови обраснати со трева на некои езера. Кај нас во обата случаи е најдена во близина на планински потоци, во локви со непротeчна вода, на надморска височина од над 1.200 m. Плодните тела вообичаено се појавуваат во текот на летниот период, расфрлани или во групи. Mitrula paludosa е габа што има функција на рециклирач, разложувајќи гo мртвиот растителен опад.

Користење и трговија

Користење и трговија

Видот Mitrula paludosa не е од интерес за користење и трговија.

Закани

Закани

Живеалиштата на видот се загрозени поради промени во хидролошкиот систем, загадување на површинските води и загадување на воздухот (еутрофикација), природна сукцесија, ерозија и управување со шумите. Следствено на тоа, закана за видот претставува уништувањето и деградацијата на живеалиштата.

Зачувување

Зачувување

Овој вид габа може да се заштити преку зачувување на неговите живеалишта и спречување уништување на неговите потврдени и потенцијални наоѓалишта. Се препорачува определување клучни локалитети за заштита.

Библиографија

Библиографија

Karadelev et al. (2009). M. Karadelev, K. Rusevska, S. Pampurova, Ecology and distribution of morels (Morchellaceae, Helvellaceae) in the Republic of Macedonia. Ecol.Prot. Env., Vol. 12 (1/2) (2009), pp. 45–55.

 

Karadelev, M. & Rusevska, K. (2013). Contribution to Macedonian red list of fungi. Proceedings of the 4th Congress of Ecologists of Macedonia with International Participation, Ohrid, 12-15 October 2012, Macedonian Ecological Society. pp. 68-73.

 

Dennis, R.W.G. (1981). British Ascomycetes; Lubrecht & Cramer; ISBN: 3768205525.

 

Breitenbach, J. & Kränzlin, F. (1984). Fungi of Switzerland. Volume 1: Ascomycetes. Verlag Mykologia: Luzern, Switzerland.

 

Medardi, G. (2006). Ascomiceti d’Italia. Centro Studi Micologici: Trento.