LISTA E KUQE KOMBËTARE NË MAQEDONINË E VERIUT
Bretkosa barkverdhe
Bombina variegata
Македонски
Жолт мукач
English
Fire belly toad
Nuk është I
Vlerësuar |
Të dhëna të
pamjaftueshme |
MË PAK I
RREZIKUAR |
Afër
rrezikimit |
I prekshëm | I rrezikuar | Kritikisht i
rrezikuar |
I zhdukur në
natyrën e egër |
I zhdukur |
---|---|---|---|---|---|---|---|---|
NE | DD | LC | NT | VU | EN | CR | EW | EX |
Taksonomia
Emër shkencor
Bombina variegata
Autoritet
(Linnaeus, 1758)
Sinonimet
Rana variegata Linnaeus, 1758
Informacioni i vlerësimit
IUCN Red List Category and Criteria
LC – Më pak i rrezikuar
Data e vlerësimit
Nëntor 2019
Vlerësuesi(t)
Bogoljub Sterijovski
Dragan Arsovski
Rishikuesi(t)
Crnobrnja-Isailović, J.
Kontribuesi(t)
/
Lehtësuesit/Hartuesit
Hofman, M.P.G.
Arsyetimi i vlersimit
Bretkosa barkverdhë, megjithëse është shpërndarë gjërësisht në Maqedoninë e Veriut, ka pësuar zvogëlime dhe luhatje në zonën e banimit dhe shkallës të paraqitjes, që ka gjasa të jenë ende në fuqi për shkak të varësisë së tij nga trupat ujorë, sidomos atyre që janë të përkohshme. Sidoqoftë, speciet (llojet) janë të pranishme në të gjithë shtetet fqinje dhe kështu popullacionet në Maqedoninë e Veriut mund të përfitojnë nga efektet e shpëtimit rajonal. Në nivel nacional, lloji ështëi shqetësimit më të vogël. Global: LC; Evropa: LC.
Popullata
Trendi i popullatës aktuale
Në rënie
Përshkrim
Studimet paraprake të monitorimit tregojnë një prirje në rënie të popullacionit në kuadër të Maqedonisë së Veriut (të dhëna të papublikuara), që shkaktohet kryesisht për shkak të shkatërrimit të vendbanimeve dhe efekteve të ndryshimeve klimatike. Gjatë punës në mënyrë jo të duhur të hidrocentraleve të vogla, luhatjet dhe rënia në vazhdim e këtyre llojeve po vëzhgohet.
Habitatet dhe ekologjia
Sistemet
Ujëra të ëmbla, tokësore (= ujërat e brendshme)
Habitatet dhe ekologjia
Mund të gjendet në pyjet halore, gjethërënëse dhe të përziera, toka lymore dhe toka barishtore. Në lartësi të ulta këto lloje jetojnë në pyjet gjethrënëse; në lartësi të larta më së shpeshti gjendet në pyjet gjethërënëse si dhe në pyjet halore dhe lëndinat malore. Llojet shfrytëzojnë lloje të ndryshme të ligatinave (toka të lagështa), duke përfshirë liqenet, pellgjet, kënetat, lumenjtë, rrjedhat e lumenjve, burimet (duke përfshirë burimet minerale dhe termale), pellgje, rezervoare, zhavorre, gropa argjile, kanale dhe depresione rrotash të mbushura me ujë. Vendbanimet e shumimit janë zakonisht pishina të përkohshme pa hije brenda apo afër tokës pyjore. Llojet mund të tolerojnë ndotje të lehtë të ujit, dhe në disa rasta në rajonet e Shkupit, Velesit dhe Strumicës janë vëzhguar në pellgje të ndotura nga agjentët kimik. Gjithashtu mund të gjendet në pellgje të përkohshme në zonat rurale dhe urbane. Bretkosa barkverdhë është aktive nga mesi i marsit deri në fillim të tetorit. Në lartësi më të lartë periudha aktive mund të jetë më e shkurtër (mesi i prillit deri në mes të shtatorit). Riprodhimi fillon në pranverën e hershme në lartësi më të ulëta dhe vonë deri në verën e hershme në lartësitë më të larta, edhepse kjo mund të variojë në masë të madhe si rezultat i thatësirës apo viteve të rreshjeve të theksuara. Madhësia e tufës mund të variojë nga 50 deri në 100 vezë dhe pas katër ditësh çelin flutërza të vogla. Ky është një ujëtokësorë (amfib) me jetë të gjatë, me një jetëgjatësi prej 10-15 vitesh dhe me rekorde deri në 29 vite kur është e mbyllur (e robëruar).
Përdorimi dhe tregtia
Përdorimi dhe tregtia
Nuk ka një shfrytëzim apo tregti të konfirmuar të këtij lloji në Maqedoninë e Veriut.
Kërcënimet
Kërcënimet
Bretkosa barkverdhë është kryesisht e kërcënuar nga degradimi i vendbanimit për shkak të zhvillimit të infrastrukturës, ndërtimit të hidrocentraleve si dhe shkarkimit të ndotësve në ligatina. Këto kërcënime të qendrave të riprodhimit të llojeve janë historike dhe aktuale (Sterijovski 2015). Për më tepër, ndryshimet klimatike mund të paraqesin një kërcënim serioz për këto lloje, sidomos nëse ndikon në disa refugia siç janë gryka e Taorit, gryka e lumit Treska, Lumi i Zi, së bashku me grykat e lumenjve Raec dhe Blasnica, pastaj Jama, rajonit Mavrovës-Radikës, mali Baba, rajoni i Ohrit-Prespës, dhe vargmalet Nixhe dhe Kozhuf (MMJPH, 2003a; 2003b). Thatësirat,veçanërisht gjatë verës mund të shkaktojnë luhatje serioze në zonat e banimit përgjatë Maqedonisë së Veriut, por veçanërisht pjesët e thata qëndrore dhe juglindore të vendit (rajonet e Velesit, Shtipit, Negotinës, Radovishit dhe Dojranit). Së fundi, ndërtimet dhe puna operative e hidrocentraleve të vogla paraqet një kërcënim serioz për këto lloje.
Kërcënimet e këpurdhave Batrachochytrium dendrobatidis dhe Batrachochytrium salamandrivorans janë detektuar kohët e fundit në Gadishullin Ballkanik. TKëto shkaktojnë te ujëtokësorët sëmundjen e njohur si Chytridiomycosis(Whittaker and Vredenburg 2016). Studimet kanë treguar se ndryshimet klimatike lehtësojnë përhapjen e kësaj sëmundjeje (Pounds 2006), dhe shkencëtarët sugjerojnë se pesticidet mund të pengojnë mbrojtjen e imuniteti të lindur dhe të rrisin ndjeshmërinë ndaj kësaj sëmundjeje (Davidson et al. 2007). Kjo kërkon masa urgjente parandaluese, kryesisht në formë të monitorimit, ashtuqë shenjat fillestare të këpurdhave në Maqedoninë e Veriut janë kapur në kohë dhe janë vendosur në karantin.
Ruajtja
Ruajtja
Llojet janë shënuar në Shtojcën II të Konventës të Bernës dhe në Anekset II dhe IV të Direktivës të BE-së për Zogjtë dhe Vedbanimet. Është mbrojtur nga legjislacioni nacional në Listën e llojeve të egra të mbrojtura të Maqedonisë së Veriut (Gazeta Zyrtare Nr.139. 2011). Menaxhimi i duhur i vendbanimeve është i nevojshëm për të mirëmbajtur ligatinat. Variacionet e karakteristikave të historisë jetësore duhet të monitorohen kundrejt variacioneve në kërcënime dhe presione.
Në pajtim me “Strategjinë për shumëllojshmëri biologjike në Republikën e Maqedonisë së Veriut” (Ministria e mjedisit jetësor dhe planifikimit hapësinor, 2018) kënetat, e në veçanti kënetat me lartësi të lartë ndikohen nga degradimi si rezultat i konverzionit të tokës për shkak të intensifikimit të bujqësisë, mungesës të furnizimit me ujë, ujitjes, popullimit të peshqve, mungesës të aktiviteteve për trajtim të ujërave të zeza dhe ndërtimit. Nevojiten urgjentisht planet e veprimit për ruajtjen e këtyre qendrave për riprodhimin e bretkosave, dmth ligatinat.
Strategjia nacionale për shumëllojshmërinë biologjike prioritizon këto veprime të ruajtjes:
-
10.4 Mbrojtja dhe restaurimi i vendbanimeve kënetore/ligatinave dhe venbanimeve ripariane
-
10.4.1 Identifikimi i kënetave ultësinore më të ndikuara/ligatinave dhe përgatitja e planeve të veprimit për ruajtjen e tyre
-
10.4.2 Identifikimi i kënetave më lartësi të lartë më të ndikuara/ligatinave dhe përgatitja e planeve të veprimit për ruajtjen e tyre
-
10.4.3 Hartimi i planit dhe realizimi i aktiviteteve për parandalimin e degradimit të kënetave dhe ligatinave për shkak të intesifikimit të bujqësisë, ujitjes, popullimit të peshqvedhe aktivitete tjera të sektorëve ekonomik
-
10.4.4 Zbatimi i pilot masave për ruajtjen e ligatinave.