НАЦИОНАЛНА ЦРВЕНА ЛИСТА НА РЕПУБЛИКА СЕВЕРНА МАКЕДОНИЈА

Сотна дупчарка

Daedaleopsis nitida

English

Daedaleopsis nitida

Albanian

/

Назад кон преглед на видови
<< Претходно – Тркалезна штитоглавка
Дождовник – Следно >>
Неоценет Недоволно
податоци		 Најмалку
засегнат		 Близу
засегнат		 РАНЛИВ Загрозен Критично
загрозен		 Истребен во природата Истребен
NE DD LC NT VU EN CR EW EX
Таксономија
Податоци за процената
Популација
Живеалишта и екологија
Закани
Користење и трговија
Зачувување
Библиографија

Таксономија

Научно име

Daedaleopsis nitida

Опишан од

(Durieu & Montagne) Zmitr. & V. Malysheva

Синоним

Hexagonia nitida Durieu & Mont
Apoxona nitida (Durieu & Mont.) Donk

Податоци за процената

Критериуми и категории на Црвената листа на IUCN

VU – Ранлив, B1ab (iii,iv) + 2ab (iii,iv); D1

Датум на процена

Ноември 2020

Проценувач

Караделев, M.

Прегледал

Kost, G.

Ivancevic, B.

Соработници

Русевска, K.

Составена од

Miskovic, M.

Образложение за процената

Видот е пронајден на неколку локалитети, од кои три се наоѓаат на територијата на НП „Галичица“, а едене во природниот резерват „Јасен“, кој исто преставува заштитено подрачје. Вкупниот број на евидентирани единки е приближно 120. Останатите наоѓалишта не се заштитени и често истите се изложени на негативно влијание од страна на човекот. Влијанието се манифестира преку уништување и/или фрагментација на живеалиштето на домаќинот бидејќи видот е врзан за еден супстрат. Пожарите во текот на летниот период претставуваат сериозна закана. Сепак, заедниците со македонски даб се пошироко распространети во земјава поради што очекуваниот број единки би бил околу 500. Површината на населеност (АОО) изнесува 24 км2 но таа вклучува и подрачја со доброразвиени заедници од македонски даб каде се очекува видот да биде најден.

Популација

Моментален тренд на популацијата

Стабилна.

Опис

Daedaleopsis nitida е редок вид и е присутен со различна бројност на сите локалитети каде се среќава неговиот домаќин (македонскиот даб) но е почест во доброразвиените заедници од македонски даб, особено каде што има стари стебла. Најдобра заедница на македонски даб има во рамките на НП „Галичица“, каде се собрани и најмногу примероци од Daedaleopsis nitida (околу 100 примероци). На останатите локации се констатирани поединечни примероци, па вкупниот број примероци е околу 120. Сепак, заедницата со македонскиот даб има поширока дистрибуција во земјата, и оттука очекуваниот број примероци би бил околу 500.

Живеалишта и екологија

Систем

Копнен (лигниколен).

Живеалишта и екологија

Daedaleopsis nitida е редок вид што расте како сапроб на стари стебла, гранки и пенушки од Quercus spp. Предизвикува бело гниење на мртво дрво од даб. Познат е од скоро сите медитерански земји каде најчест домаќин е Quercus ilex. Покрај него, се наведува и за Quercus ballota, Q. coccifera, Q.rotundifolia, Q.suber, Q.cerris и Q. pubescens (Saita 2010).
Во С. Македонија, видот е забележан на стари стебла од македонски даб (Quercus trojana). Живеалиштето со Quercus trojana е претставено со посебна шумска фитоценоза Quercetum trojanae, која што главно се развива во северните, југозападните и западните делови на земјата, во височинскиот појас помеѓу 300 и 900 m. Локалитетите на кои е присутно ова живеалиште претставуваат делови со рефугионална шумска вегетација во кои овој вид т.е. азонална шумска заедница се повлекува под притисок на поновите зонални шумски климатогени заедници. Во Директивата за живеалишта на ЕУ, шумите со македонски даб се наведени како 9250: Шуми со Quercus trojana. Иако постојат податоци дека видот се јавува и на дабовите Quercus pubescens и Q. cerris, кои што се многу чести кај нас, сепак за нив нема потврда за наоди од Daedaleopsis nitida.

Користење и трговија

Користење и трговија

Видот не е од интерес за користење и трговија.

Закани

Закани

Влијанието се манифестира преку уништување и/или фрагментација на живеалиштето на домаќинот бидејќи видот е врзан за еден супстрат. Директно влијание врз видот не е востановено. Присуството на D. nitida во шуми што припаѓаат на природни заштитени подрачја ја нагласува суштинската улога на видот во распаѓањето на дрвната маса во живеалишта што се подложни на процес на незначителна антропогенизација. Заканата е изразена на различен начин и зависи од локацијата на заедницата, но и пожарите во текот на летниот период претставуваат сериозна закана.

Зачувување

Зачувување

Заштитата на старите стебла од домаќинот е клучна активност за зачувување на видот. Истражувања за бројот и обемот на популацијата; толкување на статусот на видот преку поголемо разбирање на неговата биологија и екологија; зачувување на живеалиштата; проучување на трендовите по пат на мониторирање.

Библиографија

Библиографија

Karadelev, M., Rusevska, K., Kost, G. & Mitic-Kopanja, M. L., 2018. Checklist of Macrofungal Species From the Phylum Basidiomycota of the Republic of Macedonia. ActaMuseiMacedoniciScientiarumNaturalium, [S.l.], v. 21, n. 1, p. 23-112. Available at: http://www.acta.musmacscinat.mk/index.php/acta/article/view/23

Ivančević, B. & Karadelev M. (2013). Overview of fungi species in Prespa National Park (Albania), 679-686 pp. International Conference of Ecosystems (ICE) Tirana, Albania, May 31- June 5, 2013.

Karadelev, M., Rusevska, K., 2013. Contribution to Macedonian Red List of Fungi. Proceedings of the 4th Congress of Ecologists of Macedonia with International Participation, Ohrid, 12-15 October 2012. Macedonian Ecological Society, Special issue 28: 68-73. Skopje.

Saita,A., 2010. Ecologia e distribuzione di Hexagonianitida (Polyporaceae) in Sicilia. InformatoreBotanicoItaliano, 42 (1) 183-185.

Karadelev, M., 1998 – Fungal biodiversity in Macedonia I. with a special regard to substrates with a disjunctive range and relict origin.Mycologia Montenegrina, I-n: 49-55.

RyvardenL. &Gilbertson R., 1993- European Polypores (Part 1). Oslo, Fungiflora,743 p

Karadelev, M., 1999. A Preliminary Red List of Macromycetes in the Republic of Macedonia. Proceedings of the 1st Congress of Ecologists of the Republic of Macedonia with International Participation (1998). Special Issues of the Macedonian Ecological Society, 5: pp. 289-295.

Karadelev, M. 1989. LignicolousAphyllophorales (Basidiomycetes) ON Macedonian OAK (Quercustrojana Webb.). Biosistematika, 15 (2): pp. 119-125.