Образложение за процената
За Galerina sphagnorumкај нас има регистрирано само неколку примероци од еден локалитет (22 km2), во тресетиште со мовот Sphagnum. Овој тип живеалишта во земјава се ретки и се среќаваат на надморска височина над 1.600 m, а ниту едно од нив не е заштитено. Овој вид кај нас е познат од едно наоѓалиште, со само неколку единки. Поради релативно малата површина на тресетишта во земјава, кои што се главни живеалишта на видот, бројот на очекувани примероци е помал од 200. Од тие причини, како и заради важноста на тресетиштата кај нас, но и генерално во Европа, го предлагаме во категоријата на ‘критично загрозени’ видови (CR).
