Видот е најден на два локалитета, на планините Скопска Црна Гора и Водно, со популација од околу педесетина плодни тела. Најден е напролет, во месец мај, на паднати гранки од листопадни дрвја. Бројот на потврдени единки е приближно 50, но се претпоставува дека нивниот број е неколкукратно поголем. Оваа габа е сапроб, и се среќава во листопадни шуми, а поради недоволната истраженост на пролетните видови, очекуваниот број на наоѓалишта и примероци би бил неколкупати поголем. Локалитетот на Водно е под силен антропоген притисок поради преголемата посетеност заради близината на главниот град. Видот е на црвените листи на габи во неколку европски земји (Хрватска, Чешка, Полска).

Непозната јадливост. Видот Plectania melastoma не е од интерес за користење и трговија во земјава.

Видот може да се заштити преку спречување деградација на шумите како и преку нивно зачувување. Тука спаѓа избегнување интензивна практика на сеча во шумите и насадите како и во околните подрачја.

Се препорачува активно спречување шумска сукцесија и ерозија, како и определување клучни локации за заштита