НАЦИОНАЛНА ЦРВЕНА ЛИСТА НА РЕПУБЛИКА СЕВЕРНА МАКЕДОНИЈА

Песочна пуфка

Disciseda bovista

English

Large bowl smoke mushroom

Albanian

/

Назад кон преглед на видови
<< Претходно – Кревка игличарка
Јапиева шапка – Следно >>
Неоценет Недоволно
податоци		 Најмалку
засегнат		 Близу
засегнат		 Ранлив ЗАГРОЗЕН Критично
загрозен		 Истребен во природата Истребен
NE DD LC NT VU EN CR EW EX
Таксономија
Податоци за процената
Популација
Живеалишта и екологија
Закани
Користење и трговија
Зачувување
Библиографија

Таксономија

Научно име

Disciseda bovista

Опишан од

(Klotzsch) P. Henn.

Синоним

/

Податоци за процената

Критериуми и категории на Црвената листа на IUCN

EN – Загрозен: B1ab(iii,iv) + 2ab(iii,iv)

Датум на процена

Ноември 2020

Проценувач

Русевска, K.

Прегледал

Kost, G.

Соработници

Караделев, M.

Составена од

Miskovic, M.

Образложение за процената

Видот Disciseda bovista е најден на три локалитета, во крајречни тополово-врбови појаси, со по еден примерок. Со оглед на важноста на крајречните живеалишта кај нас, но и општо во Европа, како и малиот број локалитети и евидентирани примероци, го предлагаме во категоријата на ‘загрозени’ видови (EN).

Популација

Моментален тренд на популацијата

Се намалува

Опис

Утврдената популација на овој вид кај нас е многу мала, т.е. на секој од трите локалитета е најден по еден примерок. Со оглед на тоа што овој вид е регистриран во рипариските заедници по течението на р. Брегалница, кои што од миколошки аспект поинтензивно почнаа да се истражуваат од 2015 година, а систематски т.е. на селектирани или обележани површини се вршат проучувања во последните три години, може да се очекува негово присуство долж целиот долен тек на оваа река и на други локалитети со добро зачувани крајречни тополово-врбови појаси.

Живеалишта и екологија

Систем

Копнен (териколен).

Живеалишта и екологија

Disciseda bovista е сапробен гастероиден вид, што вообичаено расте на отворени сончеви, суви и степолики живеалишта додека за Норвешка се наведува на отворени места со варовничка подлога и континентална клима. Кај нас се среќава по течението на р. Брегалница, пред сè во нејзиниот долен тек, и е најден во мала чиста тополова заедница (во близина на с. Крупиште) и во крајречните тополово-врбови појаси спроти иселените села Пенуш и Тестемелци. Сите наоди се од пролетниот период т.е. од април и јуни.

Користење и трговија

Користење и трговија

Непозната јадливост или не се јаде. Видот не е од интерес за користење и трговија во земјава.

Закани

Закани

Заканите за овој вид се однесуваат главно на заканите на неговите живеалишта т.е. тополовите заедници. Со оглед на тоа дека се крајречни појаси, една од заканите се поплави. Друга закана е испаша на крави и овци. Исто така, повременото присутво на луѓе, на пример, рибари (уништување и фрагментираност на живеалиштата заради влијанието на човекот), доведува до уништување на дел од пристапните локалитети преку загадување со цврст и течен отпад. Голем дел од овие површини се ненаселени и тешко пристапни поради што се обраснати со висока тревеста или густа грмушеста вегетација, а овој вид се развива пред сè на отворени места.

Зачувување

Зачувување

За да се заштити овој вид е потребна заштита на неговите живеалишта, т.е. заштита од антропогено влијание, како и овозможување непречен природен развој на рипариските појаси.

Библиографија

Библиографија

https://artsdatabanken.no/Rodliste2015/rodliste2015/Norge/54312(last accessed 12.2020)

https://www.gbif.org/species/3332686 (last accessed 12.2020)

Karadelev, M., Rusevska, K. (2013). Contribution to Macedonian Red List of Fungi. Proceedings of the 4th Congress of Ecologists of Macedonia with International Participation, Ohrid, 12-15 October 2012. Macedonian Ecological Society, Special issue 28, Skopje.

Kirk, P., 2011. Onward (Continuously updated). Indexfungorum. Website: http://www.indexfungorum.org(accessed 09.2020)

 

Rusevska, K. & M. Karadelev. (2014/2015). Distribution of Bovista, Bovistellaand Discisedain the Republic of Macedonia. Biologia Macedonica. 64:55-64. Skopje, Macedonia.

 

Stalpers J, Cock A (2013). Onward (Continuously updated) MycoBank. Website http://www.mycobank.org(accessed 09.2020)

 

Vizzini, А.& L. Panno. (2010). Disciseda bovista, recently collected from northern Italy,and Lycoperdon defossum, a synonym of D. candida. Mycotaxon. 113: 129–136. doi: 10.5248/113.129.