Обичниот мрморец е широко распространет низ Северна Македонија, но сепак е ограничен на водни живеалишта каде се размножува, како и нивната околина (со обем на распространување [EOO] од 20791 km²). Сепак, површината на населеност (AOO=212 km²) е поограничена, односно националните популации се чинат сериозно фрагментирани. Како и да е, сегашната АОО е веројатно потценета, бидејќи може да се очекува дека постојат повеќе места за размножување во целиот EOO. На пример, овој вид е забележан околу крајбрежјето на најголемите слатководни екосистеми во Северна Македонија (Охридско, Преспанско и Дојранско Езеро) и бројни мали водни тела низ целата земја (> 30). Додека AOO на обичниот мрморец веројатно е потценета, таа сепак е веројатно помала од <500km² и е мала можноста дека повеќе истражувања би дале повеќе од деветкратно зголемување на АОО, што би довело до незагрозена процена. И покрај неизвесната површина на населеност, каде што е присутен, при теренски истражувања е забележано дека популациите се соочуваат со закани од сериозна фрагментација поради уништување на шумски и грмушести екосистеми и ливади, како и одводнување и загадување на влажните репродуктивни центри. Дополнително, поради сушите и промените на живеалиштата предизвикани од климатските промени, забележани се постојани намалувања и екстремни флуктуации во површината на населеност, квалитетот на живеалиштата и бројот на локации. Сепак, видот може да се најде во сите соседни земји, што значи дека може да има корист од регионалните ефекти за спасување од соседни популации; иако треба да се земе предвид литературата која покажува дека овој вид има многу ограничени капацитети за дисперзија – најчесто се движи на растојанија од 10-200 m (Müllner et al. 2001). При оцената беа земени предвид фрагментацијата на популацијата, навидум намалениот тренд на популацијата и многу малиот, иако неизвесен АОО што сугерира загрозен статус. Затоа, и покрај широката дистрибуција на национално ниво и можноста, иако несигурна, за регионално дејство за спасување, овој вид е оценет како ранлив. Глобално и на ниво на Европа тој е најмалку засегнат.

Нема познати начини на користење или трговија со овој вид во Северна Македонија.

Видот се наоѓа на Додаток III од Бернската Конвенција, а не е заштитен во согласност со националното законодавство. Според „Стратегијата за биолошка разновидност на Република Северна Македонија со акциски план 2018-2023“ (Министерство за животна средина и просторно планирање, 2018) блатата, особено на поголема надморска височина, се погодени од деградација како резултат на конверзија на земјиштето заради интензифијација на земјоделските активности, недостаток на водоснабдување, наводнување, порибување, недостаток на третман на отпадни води и градежни работи.

Националната акција за „спречување на загуба, деградација и фрагментација на природни живеалишта од национално и меѓународно значење“ им дава приоритет на следните активности (Министерство за животна средина и просторно планирање, 2018):

o 10.4 Заштита и ревитализација на блатните/водните живеалишта и крајречни живеалишта

o 10.4.1 Идентификација на најзагрозените низински блатни/водни живеалишта и изработка на акциски планови за нивно зачувување

o 10.4.2 Идентификација на најзагрозените планински блатни/водни живеалишта и изработка на акциски планови за нивно зачувување,

o 10.4.3 Изработка на план и спроведување активности за спречување на деградација на блатните и водните живеалишта, особено од интензивирање на земјоделски активности, одоснабдување, наводнување, порибување и други активности на стопанските сектори

o 10.4.4 Спроведување на пилот-мерки за ревитализација на блатните живеалишта