Овој карактеристичен вид е евидентиран само за муника (Pinus heldrеichii) каде се јавува на суви гранки од живи стебла. Познат е само од едно наоѓалиште, во Националниот парк „Галичица“. Површината на населеност на видот е многу ограничена (8 км²), а бројот на индивидуи е помал од 50. Познатата популација е значително мала, а зачестените шумски пожари што се последица на климатските промени претставуваат сериозна закана. Забележително намалување на популацијата на видот не се очекува во иднина. Популацијата не е поврзана со популациите во соседните земји.

Супстратот е со исклучително ограничено распространување на територијата на С. Македонија и слабата популација не е од особен интерес од тој аспект.

Локалитетот каде видот се развива е во границите на Националниот парк „Галичица“. Сепак, препорачливо е да се внимава при одржувањето на пешачките патеки за да се избегне отстранување на пониските гранки на дрвјата од муника, на кои се развива габата. Видот е дел од Глобалната иницијатива за црвена листа на габи, каде е проценет како ‘потенцијално критично загрозен’ вид.

 (http://iucn.ekoo.se/iucn/species_view/129118/).