НАЦИОНАЛНА ЦРВЕНА ЛИСТА НА РЕПУБЛИКА СЕВЕРНА МАКЕДОНИЈА

Mесест пехар, месеста чашка

Sarcopeziza sicula

English

Sarcopeziza sicula

Albanian

/

Назад кон преглед на видови
<< Претходно – Белоногo ежe
Виолетова круница – Следно >>
Неоценет Недоволно
податоци		 Најмалку
засегнат		 Близу
засегнат		 Ранлив ЗАГРОЗЕН Критично
загрозен		 Истребен во природата Истребен
NE DD LC NT VU EN CR EW EX
Таксономија
Податоци за процената
Популација
Живеалишта и екологија
Закани
Користење и трговија
Зачувување
Библиографија

Таксономија

Научно име

Sarcopeziza sicula

Опишан од

(Inzenga) Agnello, Loizides & P. Alvarado

Синоним

Peziza sicula Inzenga

Податоци за процената

Критериуми и категории на Црвената листа на IUCN

EN– Загрозен: B1ab(iii) + 2ab(iii); D

Датум на процена

Ноември 2020

Проценувач

Караделев, M.

Прегледал

Kost, G.

Ivancevic, B.

Соработници

Русевска, K.

Тофиловска, С.

Составена од

Miskovic, M.

Образложение за процената

Sarcopeziza sicula е редок вид со доста фрагментирани и изолирани популации. Дел од наоѓалиштата се во урбаното градско подрачје на Скопје поради што очигледна закана е урбанизацијата. Останатите наоѓалишта се во близина на реките Вардар и Брегалница каде има интензивно земјоделие, што е и најголема закана по видот. Бројот на единки се проценува на околу 200 и тие имаат многу мала површина на населеност (AOO) од 52 km2, што е целосно сообразно со предложената категоризација според IUCN.

Популација

Моментален тренд на популацијата

Се намалува

Опис

Во С. Македонија, големината на популацијата е мала. Во текот на теренските истражувања се утврдени точните податоци за големината на популацијата на конкретните локалитети. Видот е собран од девет локалитета, а бројот на единки е околу 20. Заради честотата на живеалиштето на кое се развиваат, претпоставениот број на примероци би бил десетпати поголем.

Живеалишта и екологија

Систем

Копнен (териколен).

Живеалишта и екологија

Досега видот е ограничен на централните и источните региони на медитеранскиот басен, и расте од јануари до април, поединечни или во мали групи, првично развивајќи се под земја, а потоа плодното тело делумно излегува на површината кога е зрело; на сончеви отворени места, во дворови на трева или на гола варовничка подлога, со присуство или отсуство на дрво во непосредна близина, но и во типични медитерански грмушести формации, блиску до Cistus spp., Pinus halepensis, Olea europea и друга склерофилна вегетација. Неговата појава во средини каде нема дрвја укажува на тоа дека видот е сапротрофен.

Во С. Македонија се јавува на песокливи места покрај реки и потоци, како и во напуштени ниви обраснати со тревести растенија. Се јавува во доцна зима и во пролетниот период од годината.

Користење и трговија

Користење и трговија

Видот не е од интерес за користење и трговија.

Закани

Закани

Sarcopeziza sicula е редок вид со доста фрагментирани и изолирани популации. Дел од наоѓалиштата се во урбаното градско подрачје на Скопје, поради што евидентна закана е урбанизацијата. Останатите наоѓалишта се во близина на реките Вардар и Брегалница каде има интензивно земјоделие, што е и најголема закана за видот.

Зачувување

Зачувување

Истражувања за биологијата и екологијата на видот; вклучување во Националниот систем за мониторирање на биодиверзитетот; зачувување на локалитетите каде се среќава видот.

Библиографија

Библиографија

Agnello C., Pablo Alvarado P. & Loizides M. 2018.  Sarcopeziza (Pezizaceae, Ascomycota), a new monotypic genus for Inzenga’s old taxon Pezizasicula. Ascomycete.org,10(4) :177–186

Karadelev M., Rusevska K., 2012. Contribution to Macedonian Red  List  of  fungi. Proceedings  of  the  4th Congress of Ecologists of Macedonia with International  Participation,  Ohrid,  R. Macedonia. Macedonian Ecological Society, Skopje, Special issue 28 2013, pp. 68–73.

Karadelev M., Rusevska K, Kajevska I, Mitic Kopanja D., 2019.Checklist of Larger Ascomycetes in the Republic of Macedonia. Section of Natural, Mathematical and Biotechnical Sciences, MASA, Vol. 40, No. 2, pp. 239–253.Available from: https://www.researchgate.net/publication/333210881_CHECKLIST_OF_LARGER_ASCOMYCETES_IN_THE_REPUBLIC_OF_MACEDONIA [accessed Nov 15 2020].