НАЦИОНАЛНА ЦРВЕНА ЛИСТА НА РЕПУБЛИКА СЕВЕРНА МАКЕДОНИЈА

Ликоподиум

Lycopodium clavatum

English

Wolf’s-foot Clubmoss

Albanian

/

Назад кон преглед на видови
<< Претходно – Меурест козинец
Воденичарче – Следно >>
Неоценет Недоволно
податоци
Најмалку
засегнат
Близу
засегнат
Ранлив Загрозен КРИТИЧНО ЗАГРОЗЕН Истребен во природата Истребен
NE DD LC NT VU EN CR EW EX
Таксономија
Податоци за процената
Популација
Живеалишта и екологија
Закани
Користење и трговија
Зачувување
Библиографија

Таксономија

Научно име

Lycopodium clavatum

Опишан од

L.

Синоним

Lycopodium clavatum L. subsp. monostachyon (Grev. & Hook.) Selander; Lycopodium clavatum L. var. lagopus Hartm.; Lycopodium clavatum L. var. monostachyon Grev. & Hook.; Lycopodium lagopus (Hartm.) Kuzen.

Податоци за процената

Критериуми и категории на Црвената листа на IUCN

CR – Критично загрозен, B1ab(iii,v)+2ab(iii,v); D

Датум на процена

Ноември 2019

Проценувач

Костадиновски, М.

Прегледал

Charni, A.

Соработници

Матевски В.

Ќуштеревска, Р.

Цветкоска, Ц.

Составена од

Hofman, M.P.G.

Образложение за процената

Единствената популацијата на видот се наоѓа во близина на рудникот Саса. Постои голема веројатност дека шумскиот пат што поминува во близина на локацијата на видот уништил дел од популацијата. Активностите во рудникот и изградбата на шумскиот пат може да влијаат и во иднина на популацијата на овој вид. Има стари шахти околу локацијата на видот, а геолошки испитувања се во тек.

Изградбата и користењето на шумски патишта, како и рударски активности во близина на популацијата, директно или индиректно (на пример, со отстранување на вода од живеалиштата), може да предизвикаат намалување на EOO и бројот на возрасни единки.

Од овие причини, претпоставуваме дека може да има континуиран пад на трендот на популацијата.

Процената на ЕУ Црвената листа за овој вид е Најмалку засегнат (LC).

Популација

Моментален тренд на популацијата

Се намалува

Опис

Видот има ползечки разгранети стебла покриени со перничиња од сфагнум. Должината на стеблата може да достигне 50 cm и заради присуството на други растенија обично има една единка на еден квадратен метар. Областа на која се развива популацијата е околу 30 m2, каде нема повеќе од 50 единки.

Живеалишта и екологија

Систем

 Копнен

Живеалишта и екологија

Lycopodium clavatum е повеќегодишно растение кое се јавува на места со постојана влага. Во Северна Македонија расте на тресетишта со Sphagnum во буков шумски појас.

Користење и трговија

Користење и трговија

Спорите на Lycopodium clavatum се продаваат како Lycopodium прашок, кој има широк спектар на употреба (како експлозивна мешавина, како прашок во козметиката, како облога за пилули во фармацевтската индустрија, во хомеопатична медицина и др.).

Во Република Северна Македонија ова растение не се користи за ниту една од овие намени.

Закани

Закани

Единственото познато наоѓалиште на Lycopodium clavatum во Северна Македонија се наоѓа во близина на рудникот Саса. Антропогените закани се активностите во рудникот и изградба на шумски пат, што може да влијае во иднина на популацијата на овој вид. Со оглед на големината на популацијата, секоја природна закана (пожар, пасење, сукцесија, климатски промени) може да биде штетна за постоењето на овој вид во Северна Македонија.

Зачувување

Зачувување

Според IUCN Европската регионална процена (2012), Lycopodium clavatum е класифициран како Најмалку засегнат. Сепак, во некои европски земји, видот има различен статус. На пример, во Србија е класифициран како Загрозен.

Земајќи ја предвид локацијата на видот, се препорачува да се преземат конзерваторски активности во соработка со раководителите на рудникот Саса.

Мерките за зачувување вклучуваат редовно следење на популацијата и дефинирање на потенцијални закани (особено можна конкуренција со други растенија), што ќе овозможи навремено спречување на какво било нарушување на популацијата.

Зачувување

Зачувување

Micevski, K. 1985. Flora na SR Makedonija. MANU. Skopje, 1(1): 1-157. .p 1-157.

Christenhusz, M. and Raab-Straube, E. von. 2013. Polypodiopsida . .p 1/.

Christenhusz, M.J.M. and Chase, M.W. 2014. Trends and concepts in fern classification. .p 571-594.

Christenhusz, M.J.M., Zhang, X.C. and Schneider, H. 2011. A linear sequence of extant families and genera of lycophytes and ferns . .p 7-54.

Pteridophyte Phylogeny Group (PPG I). 2016. A community-derived classification for extant lycophytes and ferns. 563–603. DOI: 10.1111/jse.12229. .p/.