НАЦИОНАЛНА ЦРВЕНА ЛИСТА НА РЕПУБЛИКА СЕВЕРНА МАКЕДОНИЈА

Крвава игличарка

Hydnellum peckii

English

Bleeding tooth fungus

Albanian

/

Назад кон преглед на видови
<< Претходно – Парковски вргањ
Лисичаркова влажница – Следно >>
Неоценет Недоволно
податоци
Најмалку
засегнат
Близу
засегнат
Ранлив ЗАГРОЗЕН Критично
загрозен
Истребен во природата Истребен
NE DD LC NT VU EN CR EW EX
Таксономија
Податоци за процената
Популација
Живеалишта и екологија
Закани
Користење и трговија
Зачувување
Библиографија

Таксономија

Научно име

Hydnellum peckii

Опишан од

Banker

Синоним

/

Податоци за процената

Критериуми и категории на Црвената листа на IUCN

EN – Загрозен: B1ab(iii,iv) + 2ab(iii,iv)

Датум на процена

Ноември 2020

Проценувач

Русевска, K.

Прегледал

Kost, G.

Соработници

Караделев, M.

Составена од

Miskovic, M.

Образложение за процената

Во земјава, за Hydnellum peckiiима утврдено само два примерока од едно наоѓалиште (Шар Планина), во смрчова шума. Овој тип живеалишта кај нас се застапени на помали површини, во споредба со останатите шумски заедници, како и во однос на застапеноста на елово-смрчовите шуми во Европа. Заедницата од смрча се чини дека е примарно живеалиште за развој на овој вид кај нас. Во овој контекст е важно да се напомене и дека низ С. Македонија минува јужната граница на ареалот на смрчата. И покрај тоа што локалитетот на кој е најден видот се очекува да биде дел од следно заштитено подрачје, во категоријата на национални паркови, во негова непосредна близина има сеча на шума и изградба на објекти. Површината на населеност (АОО) е 12 км2 но во неа се опфатени и другите локалитети со заедници од смрча каде се очекува видот да биде најден. Како резултат на сето ова, се предлага во категоријата на ‘загрозени’ видови – EN.

Популација

Моментален тренд на популацијата

Се намалува

Опис

Во С. Македонија, големината на популацијата е многу мала. Досега се утврдени само неколку плодни тела.

Живеалишта и екологија

Систем

Копнен (териколен).

Живеалишта и екологија

Плодните тела на Hydnellum peckii се развиваат на почва; поединечно, расфрлано или во снопови, споени едно до друго; во стари четинарски шуми. Станува збор за ектомикоризен вид, што формира заемни врски со низа четинарски видови дрвја.

Според досегашните податоци, во земјава овој вид габа се врзува за Picea. Локалитетот е претставен со добро развиена заедница на смрча (ass. Piceetum abietis scardicum Em 1986), која што е дел од Анекс 1 на Директивата за живеалишта: 9410: Ацидофилни шуми со Picea од планински до алпски нивоа (Vaccinio-Piceetea). Габата создава плодни тела од крајот на летото до есента.

Користење и трговија

Користење и трговија

Во целина,видовите од родот Hydnellum се смета дека не се отровни. Не се јадат заради крајно горчливиот вкус, дури и кај сувите плодни тела. Видот не е од интерес за користење и трговија во земјава.

Закани

Закани

Ограничените површини со четинарски шуми како и малата популација на видот Hydnellum peckii во С. Македонија. Главна закана се уништување или фрагментираност на живеалиштето како резултат на сеча на шума, туризмот и рекреативните активности, како и пожарите. Локалитетот е во близина на туристичкото место Попова Шапка и е под постојан антропоген притисок од страна на посетителите. Овој дел ќе влезе во рамките на идниот Национален парк „Шар Планина“, и оттука се очекува зголемување на обемот на заштита.

Зачувување

Зачувување

Видот може да се заштити преку спречување деградација на шумите како и преку нивно зачувување. Тоа се состои од на пр., избегнување интензивна практика на шумска сеча во автохтони четинарски шуми како и во околните подрачја. Се препорачува активно спречување шумска сукцесија и ерозија, како и определување клучни локации за заштита.

Библиографија

Библиографија

Karadelev, M., Rusevska, K., Kost, G. & D. M. Kopanja. (2018). Checklist of macrofungal species from the phylum Basidiomycota of the Republic of Macedonia. Acta Musei Macedonici Scientiarum Naturalium  21: 23-112.

Kirk, P., 2011. Onward (Continuously updated). Indexfungorum. Website: http://www.indexfungorum.org (accessed 06.2020)

https://species.nbnatlas.org/species/NBNSYS0000021227#:~:text=It%20is%20found%20in%20North,scattered%2C%20or%20in%20fused%20masses. (accessed 06.2020)

Stalpers J, Cock A (2013). Onward (Continuously updated) MycoBank. Website http://www.mycobank.org (accessed 06.2020)