НАЦИОНАЛНА ЦРВЕНА ЛИСТА НА РЕПУБЛИКА СЕВЕРНА МАКЕДОНИЈА
Фоина дупчарка
Lenzitopsis oxycedri
English
Lenzitopsis oxycedri
Albanian
/
Неоценет | Недоволно податоци |
Најмалку засегнат |
Близу засегнат |
Ранлив | ЗАГРОЗЕН | Критично загрозен |
Истребен во природата | Истребен |
---|---|---|---|---|---|---|---|---|
NE | DD | LC | NT | VU | EN | CR | EW | EX |
Таксономија
Научно име
Lenzitopsis oxycedri
Опишан од
(Murrill) Malençon & Bertault
Синоним
/
Податоци за процената
Критериуми и категории на Црвената листа на IUCN
EN – Загрозен, D
Датум на процена
Ноември 2020
Проценувач
Караделев, M.
Прегледал
Kost, G.
Ivancevic, B.
Соработници
Русевска, K.
Составена од
Miskovic, M.
Образложение за процената
Видот е доста редок и е познат од два локалитета што се наоѓаат на охридската страна од планината Галичица. Бројот на регистрирани единки е околу 30, иако вкупниот број на возрасни единки (вклучувајќи ги и неистражените локалитети со питома фоја) не се очекува да надмине 250, поради што ова се третира како многу мала популација. Популацијата е стабилна и заштитена во рамките на НП „Галичица“. Питомата фоја на која се развива габата е многу редок вид во земјата и е застапен само во рамките на НП „Галичица“. Питомата фоја се јавува и на преспанската страна, каде нема податоци за присуство на габата. Површината на населеност (АОО) изнесува 24 км2, но се земени предвид и локалитети со добро развиени заедници од питома фоја, каде се очекува видот да се појави. Во глобални рамки, видот е категоризиран како ранлив C2a(i).
Популација
Моментален тренд на популацијата
Стабилна.
Опис
Lenzitopsis oxycedri е редок вид, регистриран на два локалитета во југозападниот дел од земјава – Национален парк „Галичица“. Видот е најден само во подрачјето каде е присутен неговиот супстрат. Досега на двата локалитета се утврдени приближно 30 примероци, иако вкупниот број на зрели единки (вклучувајќи ги и неистражените локалитети со питома фоја) не се очекува да надмине повеќе од 250.
Живеалишта и екологија
Систем
Копнен (лигниколен).
Живеалишта и екологија
Видот Lenzitopsis oxycedri предизвикува бело гниење на Juniperus spp. Евидентно е дека е ограничен на Juniperus, а е познат од J. oxycedrus и J. thurifera (Шпанија), J. oxycedrus (Италија), J. foetidissima и J. excelsa (Tурција). Во С. Македонија, примероците се собрани од J. foetidissima. Веројатно на Lenzitopsis oxycedri му одговараат J. foetidissima и J.excelsa како главни домаќини во источниот Медитеран (С. Македонија и Турција).
Користење и трговија
Користење и трговија
Видот не е од интерес за користење и трговија.
Закани
Закани
Lenzitopsis oxycedri е врзан со стари стебла од смрека, и намалувањето на површината на живеалиштето е главна причина за заканата. Малата големина на популацијата го прави видот подложен на локално истребување поради непредвидени настани како пожари, како и туризмот, уништувањето на живеалиштата и други човечки активности.
Зачувување
Зачувување
Зачувувањето на старите стебла од домаќинот е суштинска активност за заштита на видот. Истражувања за бројот и обемот на популацијата; толкување на статусот на видот преку продлабочено сфаќање на неговата биологија и екологија; зачувување на живеалиштето; проучување на трендовите преку мониторирање.
Библиографија
Библиографија
Karadelev M, Rusevska K & Avramovski O. 2013. Lenzitopsis oxycedri (Thelephoraceae, Basidiomycota): newly recorded for the Balkan Peninsula. Mycotaxon 123: 369-373(5)
Karadelev, M. 2017. Lenzitopsis oxycedri. The IUCN Red List of Threatened Species 2017: e.T71598360A71598420. https://dx.doi.org/10.2305/IUCN.UK.2017-3.RLTS.T71598360A71598420.en.