НАЦИОНАЛНА ЦРВЕНА ЛИСТА НА РЕПУБЛИКА СЕВЕРНА МАКЕДОНИЈА

Етрурска коричка

Hyphoderma etruriae

English

Hyphoderma etruriae

Albanian

/

Назад кон преглед на видови
<< Претходно – Елова црвенокорка
Врежов трат – Следно >>
Неоценет Недоволно
податоци
Најмалку
засегнат
Близу
засегнат
Ранлив Загрозен КРИТИЧНО ЗАГРОЗЕН Истребен во природата Истребен
NE DD LC NT VU EN CR EW EX
Таксономија
Податоци за процената
Популација
Живеалишта и екологија
Закани
Користење и трговија
Зачувување
Библиографија

Таксономија

Научно име

Hyphoderma etruriae

Опишан од

Bernicchia

Синоним

/

Податоци за процената

Критериуми и категории на Црвената листа на IUCN

CR – Критично загрозен, D

Датум на процена

Ноември 2020

Проценувач

Караделев, M.

Прегледал

Kost, G.

Ivancevic, B.

Соработници

Русевска, K.

Составена од

Miskovic, M.

Образложение за процената

Видот Hyphoderma etruriae е регистриран само на еден локалитет и тоа во шума од дива фоја во околината на село Чалакли, кое се наѓа во југоисточниот дел од земјата. Ова е загрозено подрачје поради масовното експлоатирање на дрвјата од дива фоја од страна на месното население. Пожарите во летниот период исто така претставуваат голема закана. Бројот на утврдени единки во популацијата е два, на површина од 760 ha. Поради силното антропогено влијание, популацијата се соочува со закана врз квалитетот на живеалиштето, површината на населеност, бројот на зрели единки, па ризикот за нејзино намалување е висок и како резултат на тоа видот е критично загрозен.

Според Црвената листа на загрозени видови на IUCN, видот е оценет како EN C2a(i), D.

Популација

Моментален тренд на популацијата

Се намалува

Опис

Во С. Македонија, големината на популацијата е многу мала. Во текот на теренските истражувања се утврдени точните податоци за состојбата во врска со големината на популацијата на наведениот локалитет. Бројот на регистрирани единки во популацијата е два, на површина од 760 ha. Потенцијалната распространетост може да биде многу поширока ако се земе предвид обемот на распространување на фојата, а оттука и проценетата популација на овој вид габа.

Живеалишта и екологија

Систем

Копнен (лигниколен).

Живеалишта и екологија

Hyphoderma etruriae е габа што расте на дрвја, и тоа на стари грмушки од различни видови смрека. Се развива во шуплини предизвикани од  стари оштетувања на стеблата и големите гранки. Плодното тело е целосно ресупинантно, цврсто прилепено за супстратот, како разлеано, со крем-боја и создава тенки слоеви широки неколку сантиметри. Во Италија е собран на J. phoenicea, J.macrocarpa и J. turbinata на крајбрежни песочни дини, на максимум 200 m надморска височина (Gorjon & Bernicchia, 2013).  

Во С. Македонија, видот е најден на гнили дрвја од дива фоја (Juniperus excelsa). Шумите од дива фоја се сметаат за приоритетно живеалиште во Директивата за живеалишта, и се наведени како 9560 *Ендемски шуми со Juniperus spp. – шумски формации во кои преовладува Juniperus excelsa. Шумата се состои од чиста дива фоја, а во некои делови мешана со Quercus coccifera. Надморската височина на локалитетот каде е најдена Hyphoderma etruriae е помеѓу 200 и 400 m.

Користење и трговија

Користење и трговија

Видот не е од интерес за користење и трговија.

Закани

Закани

Селото Чалакли близу Валандово е загрозено подрачје затоа што постои масовно експлоатирање на дрвјата од дива фоја од страна на месното население. Стеблата и гранките од дива фоја се користат во варниците за производство на негасена вар. И пожарите во летниот период претставуваат сериозна закана. Интензивното земјоделство е незначителна закана за биолошката разновидност на шумите од дива фоја во подрачјето од интерес. Пасењето ниска вегетација и млади стебла од овци и кози е исто така закана што треба да се истакне.

Зачувување

Зачувување

Зачувувањето на старите стебла од домаќинот се суштинска активност за заштита на видот. Подигнување на нивото на едуцираност и јавна свест кај населението се клучни за зачувување на видот, односно неговото  живеалиште. На ниво на истражувања, неопходно е да се вложат напори за подобро разбирање на екологијата на видот за да може истиот да се култивира и по можност да се зачува ex-situ.

Библиографија

Библиографија

Bernicchia, A. 1993. Hyphoderma etruriae sp. nov. (Corticiaceae, Basidiomycetes) from the natural reserve of Burano, Italy. – Mycotaxon, 46: 37-40.

Bernicchia, A. & Gorjon S.P. 2010. Corticiaceaes.l. Fungi Europaei n° 12. EdizioniCandusso, Italia.

Karadelev, M.& Koteska, L. 2013. Hyphoderma etruriae (Meruliaceae, Basidiomycota): a rare corticioid fungus collected in Macedonia. PhytologiaBalcanica 19 (1): 3 – 5, Sofia.

Gorjon S.P & Bernicchia, A. 2013. Threats and state of conservation of aphyllophoroid fungi in the Mediterranean.-ActaMycologica, 48 (2): 247–255

Bernicchia, A., Karadelev, M. & Perini, C. 2019. Hyphoderma etruriae. The IUCN Red List of Threatened Species 2019. https://www.iucnredlist.org/species/147430392/148009897