НАЦИОНАЛНА ЦРВЕНА ЛИСТА НА РЕПУБЛИКА СЕВЕРНА МАКЕДОНИЈА

Елова црвенокорка

Hymenochaete cruenta

English

Hymenochaete cruenta

Albanian

/

Назад кон преглед на видови
<< Претходно – Мартовка
Дождовник – Следно >>
Неоценет Недоволно
податоци
Најмалку
засегнат
Близу
засегнат
Ранлив ЗАГРОЗЕН Критично
загрозен
Истребен во природата Истребен
NE DD LC NT VU EN CR EW EX
Таксономија
Податоци за процената
Популација
Живеалишта и екологија
Закани
Користење и трговија
Зачувување
Библиографија

Таксономија

Научно име

Hymenochaete cruenta

Опишан од

(Pers.) Donk

Синоним

Thelephora cruenta Pers.

Податоци за процената

Критериуми и категории на Црвената листа на IUCN

EN – Загрозен, D

Датум на процена

Ноември 2020

Проценувач

Тофиловска, С.

Прегледал

Kost, G.

Ivančević, B.

Соработници

Караделев, M.

Русевска, K.

Составена од

Miskovic, M.

Образложение за процената

Hymenochaete cruenta е крајно редок кортикоиден вид габа, која што главно населува мешани шуми од бука, смрча и ела, на места со голема влажност. Опстанокот на видот е обусловен од добро зачуваното живеалиште на својот домаќин Abies borisii-regis и во нашата земја е забележан само на еден локалитет на планината Галичица. Видот лесно се препознава, но не е често евидентиран, па затоа врз основа распространетоста на примарниот супстрат направена е проценка на највисокиот веројатен број на наоѓалишта (10) како и проценка на бројноста на зрели единки (околу 100). Видот е загрозен поради ограниченото распространување и малиот број зрели единки. Затоа видот е оценет како ‘загрозен’ според критериумот D.

Популација

Моментален тренд на популацијата

Непознат.

Опис

Многу редок вид со мала популација, регистриран само на еден локалитет на планината Галичица. Големината на популацијата директно зависи од достапноста на соодветен супстрат, а тоа се стари дрвја од Abies borisii-regis.

Според упатствата за проценка на зрели единки дадени од Dahlberg и Mueller (2011), се проценува дека има околу 100 единки врз основа на: претпоставениот вкупен број локалитети во земјата – околу 10, проценетиот број функционални единки на секој локалитет (се проценува дека се три), како и на образецот за тоа колку зрели единки може да создаде секој репродуктивен генотип (во образецот се употребени три). Трендот на популацијата е непознат, потребни се дополнителни податоци за проценка.

Живеалишта и екологија

Систем

Копнен (лигниколен).

Живеалишта и екологија

Hymenochaete cruenta главно расте во планински мешани шуми од бука, смрча и ела, на места со голема влажност, а ретко се среќава во низините. Првичен домаќин на видот е Abies alba, но може да се најде и на Picea abies, Abies sibirica и Abies borisii-regis (Parmasto 2001).

Ја населува кората од суви или мртви гранки во круната на стари дрвја, на височина од 15-30 m и кратко продолжува да живее на паднатите гранки. Домаќинот на видот најдобро се развива на длабоки кисели почви со големи резерви на вода. Овој лигниколен вид може да се сретне преку цела година, но спорите се создаваат за време на периоди со големо количество врнежи и висока влажност на воздухот (Fraiture and Otto 2015, Kujawska et al. 2016).

Во Република Северна Македонија Hymenochaete cruenta е најден на Abies borisii-regis, во мала состоина во мешана буково-елова шума, на надморска височина помеѓу 1600 – 1800 m на планината Галичица во зона на строга заштита (Karadelev & Rusevska 2004/2005, Karadelev et al. 2018). Од првите податоци кои датираат од 1988 година од тој локалитет, видот е евидентиран повторно на истата локација повеќепати. Видот лесно се идентификува, но не бил многу баран во минатото, поради тоа е направена проценка на вкупен број на наоѓалишта во државата (Dahlberg and Mueller 2011). Врз основа на распространетоста на домаќинот, предвидени се наоѓалишта во добро зачуваните состоини на A. borisii-regis на повисоките места на Шар Планина, Кораб, Бистра, Јакупица (Даутица) и Пелистер (Micevski 1985, Simovski 2014, UNEP 2020, personal data). Веројатниот вкупен број на наоѓалишта во земјата не се очекува да биде над 10. Претпоставените локалитети во НП Маврово се распоредени низ трите зони на паркот, додека во НП Пелистер во зоната на строга заштита.

Користење и трговија

Користење и трговија

Кортикоиден вид што нема фармацевтски својства, не се јаде и не е предмет на трговија.

Закани

Закани

Единствениот потврден локалитет се наоѓа на ограничен дел во зоната на строга заштита од НП „Галичица“, па затоа не се очекува сеча на стари стебла, чиста сеча или какво било нарушување на живеалиштето. Сепак, закана претставуваат неочекуваните и ненадејни настани што влијаат врз супстратот, како што се пожарите, кои што се доста присутни во медитеранскиот регион. Очекуваните климатски промени, во смисла на пониска стапка на врнежи кои се неопходни за да се овозможи спорулација на габата, се исто така можна закана. Забележани се болести на домаќинот Abies borisii-regis (DPRS 2019).

Зачувување

Зачувување

Во однос на мерките за заштита на видот, веќе познатите дрвја што се супстрат за габата се заштитени во рамки на зоната на строга заштита во НП „Галичица“. Сепак, потребно е зачувување на старите елови шуми каде има соодветни еколошки услови за опстанокот на видот.

Во однос на следни истражувања, потребно е редовно годишно мониторирање на утврдениот локалитет, поткрепено со теренски истражувања на потенцијалните локалитети за да се истражи распространувањето на Hymenochaete cruenta. Доколку на некој од предвидените локалитети видот биде регистриран, треба да се определат мерки за зачувување, што подразбира забрана за шумска сеча и да се одржуваат шумски состоини со дрвја од различни возрасни класи. Процена на здравјето на шумата и, доколку е неопходно, преземање основни мерки за зачувување на здравјето на шумските состоини. Пописите на шумите и шумарските планови е препорачливо да се дигитализираат и редовно да се ажурираат. Неопходна е изработка на карта на живеалишта во земјава.

Библиографија

Библиографија

Dahlberg, A. and Mueller, G.M. 2011. Applying IUCN red-listing criteria for assessing and reporting on the conservation status of fungal species. Fungal Ecology 4(2): 147-162. doi:10.1016/j.funeco.2010.11.001

Diagnostic Prognostic Reporting Service of Republic of Macedonia (DPRS). 2019. Report on the state of plant diseases and pests in natural and newly established forest plantations in the Republic of Macedonia. Ministry of Agriculture, Forestry and Water Economy – Sector for Forestry, pp. 89, Skopje.

Đug, S., Hasanbegović, A. and Drešković, N. 2013. Crvena lista gljiva Federacije Bosne i Hercegovine. Federalno ministarstvo okoliša i turizma, Sarajevo.

Fraiture, A., and Otto, P. 2015. Distribution, ecology and status of 51 macromycetes in Europe. Results of the ECCF Mapping Programme. Meise, Botanic Garden Meise.

Holec, J. and Beran, M. (eds). 2006. Red list of fungi (macromycetes) of the Czech Republic. Příroda, pp. 1-282. Praha.

Index Fungorum Partnership. 2020. Index Fungorum. Royal Botanic Gardens Kew and Chinese Academy of Science (the custodians). Available at: http://www.indexfungorum.org.

Karadelev, M. and Rusevska, K. 2004/2005. Ecology and distribution of genus Hymenochaete (Hymenochaetaceae) in the Republic of Macedonia. Biologia Macedonica 57/58: 39-53. ISSN: 1857-5277.

Karadelev, M., Rusevska, K., Kost, G. and Mitic-Kopanja, M. L. 2018. Checklist of Macrofungal Species From the Phylum Basidiomycota of the Republic of Macedonia. Acta Musei Macedonici Scientiarum Naturalium 21(1): 23-112.

Kujawa, A. and Gierczyk, B. 2020. Rejestr gatunków grzybów chronionych i zagrożonych. Atlas grzybów Polski. Available at: http://www.grzyby.pl/rejestr-grzybow-chronionych-i-zagrozonych.htm.

Kujawska, M.B., Stasińska, M., Leski, T. and Rudawska, M. 2016. New locality of Hymenochaete cruenta in the Olbina nature reserve and revisiting of distribution of this fungus in Poland. Acta Mycologica 51(2): 1085. http://dx.doi. org/10.5586/am.1085

Laurent-Dargent, J. 2009. La liste rouge des champignons (macromycètes) rares ou menacés en Lorraine. Sciences pharmaceutiques. https://hal.univ-lorraine.fr/hal-01732739

Micevski, K. 1985. The flora of the Republic of Macedonia I (1). Macedonian Academy of Sciences and Arts, Skopje.

Senn-Irlet, B., Bieri, G. and Egli, S. 2007. Rote Liste der gefahrdeten Grosspilze der Schweiz. BAFU, WSL, pp. 92, Bern.

Simovski, B. 2014. Natural Succession Processes of the Forests in the National Park Mavrovo. Landscape Architecture and Environmental Engineering, Hans Em Faculty of Forest Sciences, Ss. Cyril and Methodius University.

Sugny, D., Beirnaert, P., Billot, A., Caillet, M. & M., Chevrolet, J.P., Galliot, L., Herbert, R. and Moyne, G. 2013. Liste rouge des champignons supérieurs de Franche-Comté. Publication commune Fédération Mycologique de l’Est, Conservatoire National Botanique de Franche-Comté et Société Botanique de Franche-Comté, pp. 114, LUNÉVILLE, imprimerie PARADIS.

UNEP Regional Office in Vienna. 2020. Study for valorization of Shar Mountain. Tetovo-Skopje, pp. 683.