НАЦИОНАЛНА ЦРВЕНА ЛИСТА НА РЕПУБЛИКА СЕВЕРНА МАКЕДОНИЈА

Дупчеста ѕвездичка, Биберниче

Myriostoma coliforme

English

Pepper pot, Salt-shaker earthstar

Albanian

/

Назад кон преглед на видови
<< Претходно – Кожеста пуфка
Купеста жилавка- Следно >>
Неоценет Недоволно
податоци		 Најмалку
засегнат		 Близу
засегнат		 РАНЛИВ Загрозен Критично
загрозен		 Истребен во природата Истребен
NE DD LC NT VU EN CR EW EX
Таксономија
Податоци за процената
Популација
Живеалишта и екологија
Закани
Користење и трговија
Зачувување
Библиографија

Таксономија

Научно име

Myriostoma coliforme

Опишан од

(Dicks.) Corda

Синоним

/

Податоци за процената

Критериуми и категории на Црвената листа на IUCN

VU – Ранлив: D1

Датум на процена

Ноември 2020

Проценувач

Русевска, K.

Прегледал

Kost, G.

Соработници

Караделев, M.

Составена од

Miskovic, M.

Образложение за процената

Овој вид е познат од дваесетина локалитети во различни заедници, но првенствено листопадни (дабово-габерови шуми, крајречни појаси со врби и тополи, багремови насади покрај пат и сл.), како и од други живеалишта (заедница на дива фоја, пасишта или сл.), на надморска височина под 1.000 m. Со оглед на тоа дека за овој вид има нови податоци од неодамна (2019 год.), се предлага да биде во категоријата на ‘ранлив’ (VU).

Популација

Моментален тренд на популацијата

Стабилна.

Опис

Во С. Македонија, популацијата на видот е стабилна. Во текот на теренските истражувања, утврдени се едно до десет плодни тела по наоѓалиште, а оваа цифра варира зависно од годишното време. Бројот на единки во популацијата е помал од 100.

Живеалишта и екологија

Систем

Копнен (териколен).

Живеалишта и екологија

Видот се појавува наесен, и обично расте на почва богата со остатоци од лисја. Типични живеалишта за видот се листопадни или мешани шуми, особено крајречни шуми со топола и врба, во трева покрај пат како и на пасишта со испаша на добиток или под леска во сува жива ограда.

Според сегашните податоци, во земјава видот главно се врзува за листопадни дрвја, како топола, врба или даб.

Користење и трговија

Користење и трговија

Не се јаде. Видот не е од интерес за користење и трговија во земјава.

Закани

Закани

Малите површини со крајречна вегетација и незначителната големина на популацијата во С. Македонија.

Уништување и деградација на живеалиштата предизвикани од сеча на шума или искористување на шумите.

Малите популации, ограничени само на неколку локалитети. Закана претставува пренамената на земјиште т.е. чистата сеча на термофилни шуми, намалената испаша. Уништувањето на песочни живеалишта.

Шумските пожари, кои што се почести заради климатските промени, може да претставуваат друга значајна закана.

Зачувување

Зачувување

Видот може да се заштити преку спречување фрагментација на крајречниот појас и на шумите, како и со нивно зачувување. Тоа се состои од избегнување интензивна практика на шумска сеча во автохтоните термофилни шуми и во крајречниот појас, а и во околните подрачја. Се препорачува активно спречување шумска сукцесија и ерозија, како и определување клучни локации за заштита. Картирање и мониторирање на видот.

Овој вид е еден од првите 33 видови габи предложени за заштита во Додаток I од Бернската конвенција (Dahlberg& Croneborg 2003).

Библиографија

Библиографија

Dahlberg A, Croneborg H. (2003). The 33 Threatened Fungi in Europe (Nature and Environment).Swedish Species Information Centre. Uppsala, Sweden.

Karadelev, M., 1999. A Preliminary red list of Macromycetes in the Republic of Macedonia. Proceedings of the 1st Congress of Macedonian Ecologists, 5:289-295. (in Macedonian)

Karadelev, M., 2000. A Preliminary Red List of Macro-fungi in the Republic of Macedonia. European Council for the Conservation of Fungi, Newsletter 10:7-10.

Karadelev, M., 2001. Fungi Macedonici. Macedonian Mycological Society. Skopje. 1-299. (in Macedonian)

Karadelev, M., Rusevska, K., 2013. Contribution to Macedonian Red List of Fungi. Proceedings of the 4th Congress of Ecologists of Macedonia with International Participation, Ohrid, 12-15 October 2012, Macedonian Ecological Society. pp. 68-73.

Karadelev, M., Rusevska, K., Kost, G. & D. M. Kopanja. (2018).Checklist of Macrofungal Species from the Phylum Basidiomycota of the Republic of Macedonia. Acta Musei Macedonici Scientiarum Naturalium, 21: 23-112.

Karadelev, M., Stojanovska, D., 2002-2003. Diversity of star-like Gasteromycetes in the Republic of Macedonia. Godišen zbornik Biologija 55/56: 29-41. (in Macedonian)

Kirk, P., 2011. Onward (Continuously updated). Indexfungorum. Website: http://www.indexfungorum.org(accessed 11.2020).

Stalpers J, Cock A (2013). Onward (Continuously updated) MycoBank. Website http://www.mycobank.org(accessed 11.2020).