НАЦИОНАЛНА ЦРВЕНА ЛИСТА НА РЕПУБЛИКА СЕВЕРНА МАКЕДОНИЈА

Дабова ситнопорка

Perenniporia medulla-panis

English

Perenniporia medulla-panis

Albanian

/

Назад кон преглед на видови
<< Претходно – Купеста жилавка
Црвено-жолта листичарка, златолисен вргањ – Следно >>
Неоценет Недоволно
податоци
Најмалку
засегнат
Близу
засегнат
РАНЛИВ Загрозен Критично
загрозен
Истребен во природата Истребен
NE DD LC NT VU EN CR EW EX
Таксономија
Податоци за процената
Популација
Живеалишта и екологија
Закани
Користење и трговија
Зачувување
Библиографија

Таксономија

Научно име

Perenniporia medulla-panis

Опишан од

(Jacq.) Donk

Синоним

/

Податоци за процената

Критериуми и категории на Црвената листа на IUCN

VU– Ранлив, B1ab (iii,iv,v) + 2ab(iii,iv,v)

Датум на процена

Ноември 2020

Проценувач

Караделев, M.

Прегледал

Kost, G.

Ivancevic, B.

Соработници

Тофиловска, С.

Русевска, K.

Составена од

Miskovic, M.

Образложение за процената

Perenniporia medulla-panis формира повеќегодишни, широко разлеани или ресупинантни плодни тела на дабови пенушки или паднати стебла. Поретко се јавува на други видови дрвја (бука, топола). Се смета за редок вид и неговата популација се намалува во многу европски земји како резултат на намалувањето на старите дабови шуми низ цела Европа.

Главните закани за овој вид се отстранувањето на мртвото дрво и оштетените дрвја и уништувањето на неговото живеалиште т.е. на старите, возрасни шуми. Сите познати наоѓалишта на габата се надвор од границите на заштитени подрачја. Оттука, видот е под силно антропогено влијание поради сечата на дабовите шуми. Пожарите за време на летниот период се друга значителна закана. Вкупниот број на документирани единки е приближно 10, но дабовите заедници се широко распространети во земјата, па затоа бројот на претпоставени примероци би бил околу 100.

Популација

Моментален тренд на популацијата

Се намалува

Опис

Perenniporia medulla-panis е редок вид, кој во Македонија се јавува на стари стебла од даб и топола, а еднаш е собран и на бука. Видот расте поединечно или со по неколку плодни тела на сите познати наоѓалишта, а бројот на регистрирани единки е мал, со вкупно десетина примероци. Сепак, треба да се земе предвид дека дабовите шуми се широко распространети во континенталните делови од земјата, поради што бројот на единки би бил најмалку десетпати поголем.

Живеалишта и екологија

Систем

Копнен (лигниколен).

Живеалишта и екологија

Perenniporia medulla-panis е сапротрофна габа која вообичаено населува стари дабови шуми или мешани шуми со бука, но и крајречни шуми од врба и топола. Се развива на основата од стари голи пенушки и паднати стебла со нерамна површина или на стари живи дрвја во шуплините на стеблото. Не е лесно да се забележи плодното тело затоа што е подложно на растење внатре во шуплините од дрвото.

Користење и трговија

Користење и трговија

Не е познато дека видот се употребува.

Закани

Закани

Главните закани за овој вид се отстранувањето на мртвото дрво и оштетените дрвја и уништувањето на живеалиштето на видот т.е. старите, возрасни шуми. Сите наоѓалишта на габата се надвор од границите на заштитени подрачја. Тоа значи дека видот е под силно човеково влијание поради сечата на дабовите и буковите шуми. Заканата е изразена на различен начин и таа зависи од локацијата на видот, но и пожарите за време на летниот период би можеле да претставуваат значителна закана.

Зачувување

Зачувување

Зачувувањето на старите стебла од домаќинот е клучна активност за зачувување на видот. Истражувања за бројот и обемот на популацијата; толкување на статусот на видот преку поголемо разбирање на неговата биологија и екологија; зачувување на живеалиштата; проучување на трендовите по пат на мониторирање.

Библиографија

Библиографија

Iršėnaitė, R. 2019. Perenniporia medulla-panis. The IUCN Red List of Threatened Species 2019: e.T147437401A148022549. https://dx.doi.org/10.2305/IUCN.UK.2019-3.RLTS.T147437401A148022549.en.

Karadelev, M., 1999. A Preliminary Red List of Macromycetes in the Republic of Macedonia. Proceedings of the 1st Congress of Ecologists of the Republic of Macedonia with International Participation (1998). Special Issues of the Macedonian Ecological Society, 5: pp. 289-295.

Karadelev, M., Rusevska, K., 2013. Contribution to Macedonian Red List of Fungi. Proceedings of the 4th Congress of Ecologists of Macedonia with International Participation, Ohrid, 12-15 October 2012. Macedonian Ecological Society, Special issue 28: 68-73. Skopje.

Karadelev, M., Rusevska, K., Kost, G. & Mitic-Kopanja, M. L., 2018. Checklist of Macrofungal Species from the Phylum Basidiomycota of the Republic of Macedonia. Acta Musei Macedonici Scientiarum Naturalium, [S.l.], v. 21, n. 1, p. 23-112. Available at: http://www.acta.musmacscinat.mk/index.php/acta/article/view/23

Ryvarden, L. and Gilbertson, R.L. 1994. European Polypores. Part 2. Synopsis Fungorum 7: 388–743.

Stalpers, J.A. and Decock, C. 2006. Studies in Perenniporia: Polyporus unitus, Boletus medulla-panis, the Nomenclature of Perenniporia, Poria and Physisporus, and a Note on European Perenniporia with a Resupinate Basidiome. Taxon 55: 759-778.