НАЦИОНАЛНА ЦРВЕНА ЛИСТА НА РЕПУБЛИКА СЕВЕРНА МАКЕДОНИЈА

ПОЧЕТНА ЗА НАС ПРОЦЕС НА ПРОЦЕНА ПРЕГЛЕД НА ВИДОВИПОДАТОЦИ

Црно седло

Helvella atra

English

Dark saddle

Albanian

/

Назад кон преглед на видови

<< Претходно – Џиновска смрчка

Кораловидна игличарка – Следно >>

Неоценет	Недоволно податоци	Најмалку засегнат	Близу засегнат	РАНЛИВ	Загрозен	Критично загрозен	Истребен во природата	Истребен
NE	DD	LC	NT	VU	EN	CR	EW	EX

Таксономија

Податоци за процената

Популација

Живеалишта и екологија

Таксономија

Научно име

Helvella atra

Опишан од

J. König

Синоним

Leptopodia atra (J. König) Boud.

Helvella nigricans Pers.

Податоци за процената

Критериуми и категории на Црвената листа на IUCN

VU– Ранлив: B1ab (iii) + 2ab(iii); D1

Датум на процена

Ноември 2020

Проценувач

Караделев, M.

Прегледал

Kost, G.

Соработници

Русевска, K.

Тофиловска, С.

Составена од

Miskovic, M.

Образложение за процената

Helvella atra е редок вид со доста фрагментирани и изолирани популации. Видот е познат од четири локалитета, сите во подрачја што не се под режим на заштита. Во С. Македонија е собран од планинските подрачја во земјата, на височини помеѓу 400 и 1.400 метри, најчесто во дабови шуми иако се јавува и на отворен простор. Бројот на регистрирани единки е приближно 200, но тој број се очекува да биде неколку пати поголем. Видот е сапроб, се јавува во четинарски и листопадни шуми, и поради слабата истраженост на пролетните видови, очекуваниот број на локации и примероци би бил неколкупати поголем. Најголема закана е сечата на шума, но исто така и сточарството, шумските насади, пожарите и загадувањето на почвата.

Популација

Моментален тренд на популацијата

Стабилна.

Опис

Во С. Македонија, големината на популацијата е мала. Во текот на теренските истражувања се утврдени точните податоци за големината на популацијата на конкретните локалитети. Видот е собран од четири различни локалитета, и бројот на регистрирани единки е приближно 200. Видот е сапроб, се јавува во четинарски и листопадни шуми; оттука, очекуваниот број на локации и примероци би бил неколкупати поголем.

Живеалишта и екологија

Систем

Копнен (териколен).

Живеалишта и екологија

Helvella atra е сапротрофна или веројатно псамотрофна габа што расте на песоклива почва. Се развива на земја во четинарски и листопадни шуми. Се чини дека повеќе ѝ одговара песоклива алкална почва отколку кисела или глинеста. Најчесто се среќава во шуми, но не е ограничена само на шумски предели.

Во С. Македонија, видот е собран од планинските подрачја, на височини помеѓу 400 и 1.400 метри. Највисоко се јавува на Малешевските Планини, во буково-борова шума со насади од Pinus strobus, додека на планините Добра Вода и Китка е собран во плоскачево-церова шума. Единствено во подножјето на Руен Планина, видот е најден надвор од шума на отворен простор. Се јавува напролет и наесен.

Користење и трговија

Како и другите претставници на родот Helvella, видот не е јадлив и постои можност од труење.

Закани

Helvella atra е редок вид со доста фрагментирани и изолирани популации. Нивното живеалиште се менува како резултат на сечата на шума, сточарството, почумувањето со алохтони видови, шумските пожари и загадувањето на почвата.

Зачувување

Истражувања за бројот и обемот на популацијата; подобро разбирање на биологијата и екологијата на видот; зачувување на живеалиштата; редовно мониторирање.

Библиографија

Breitenbach J., Kränzlin F., 1981. Fungi of Switzerland. Volume 1. Ascomycetes. Verlag mycologia, Luzern, pp. 310.

Dennis, R.W.G. (1981). British Ascomycetes; Lubrecht & Cramer; ISBN: 3768205525.

Medardi, G. (2006). Ascomiceti d’Italia. Centro Studi Micologici: Trento.

Hansen L., Knudsen H., 2000. Nordic Macromycetes (Ascomycetes). Vol.1 Nordsvamp, Copehagen, I. Akata, A. Kaya 4 pp. 309.

Karadelev M.,Rusevska K., 2013. Contribution to Macedonian Red List of fungi. Proceedings of the 4th Congress of Ecologists of Macedonia with International Participation, Ohrid, R. Macedonia. Macedonian Ecological Society, Skopje, Special issue 28 2013, pp. 68–73.

Karadelev M., Rusevska K, Kajevska I, MiticKopanja D., 2019.Checklist of Larger Ascomycetes in the Republic of Macedonia. Section of Natural, Mathematical and Biotechnical Sciences, MASA, Vol. 40, No. 2, pp. 239–253.

Available from: https://www.researchgate.net/publication/333210881_CHECKLIST_OF_LARGER_ASCOMYCETES_IN_THE_REPUBLIC_OF_MACEDONIA [accessed Nov 15 2020].

M. Karadelev, G. Kost, K. H. Rexer, Macromycetes diversity in Pinus peuce forest in the Republic of Macedonia. Atti del III Convegno Nazionale di Studi Micologici “I Funghi del Monte Amiata”, Piancastagnaio(SI) 14–19 Ottobre 2003, Italy,(2003), pp. 32–47.

https://www.researchgate.net/publication/262142966_Crvena_knjiga_gljiva_Hrvatske_Red_Book_of_Croatian_Fungi/link/02e7e5387287ed1178000000/download