Tricholoma apium  кај нас е најден на еден локалитет, во борова шума на варовник. Бројот на утврдени единки е мал и изнесува педесетина примероци, но боровите шуми на варовник се пошироко распространети во земјата, па затоа очекуваниот број единки би бил најмалку десетпати повеќе. Веројатно треба да се вршат дополнителни истражувања во природни борови шуми. Од тие причини, се предлага во категоријата на ранливи видови. Наоѓалиштето во преспанскиот регион е туристички и рекреативен центар поради што видот е под силно антропогено влијание од страна на посетителите.

Видот е дел од националните црвени листи на повеќе европски земји, а е објавен и на  Глобалната црвена листа на загрозени видови на IUCN како ‘ранлив’ (VU).

Се јаде. Видот не е од интерес за користење и трговија во земјава.

Видот може да се заштити преку спречување деградација на шумите како и нивно зачувување. Тоа вклучува избегнување интензивна практика на сеча во шумите и насадите како и во соседните подрачја.

Се препорачува активно спречување шумска сукцесија и ерозија, како и определување клучни локации за заштита.

Видот е дел од националните црвени листи на повеќе европски земји, а е објавен и на  Глобалната црвена листа на загрозени видови на IUCN како ранлив –VU: A2d+3d+4d (https://www.iucnredlist.org/species/79515478/79515482)