Единствената популација на овој вид во земјата се јавува на едно подрачје, а површината на населеност (AOO) и обемот на распространување (EOO) е многу мал. Изградбата на инфраструктурата (ресторан, мост што ги поврзува островот и копното, патеките и сл.) се закани за намалување на подрачјето и квалитетот на живеалиштата. Постојат само 170 зрели единки, но нема доволно податоци од минатото, за да се процени постојаното намалување на популацијата.

Според процената на Црвената листа на IUCN, овој вид спаѓа во категоријата Недоволно податоци (DD).

Фамилијата Apiaceae, во кое спаѓа и родот Angelica, е една од растителните фамилии со висок процент на лековити растенија. Некои видови од родот Angelica се познати како лековити растенија, но користењето на видот Angelica palustris за медицински цели не е позната. Но, неговата ограничена дистрибуција на територијата на Северна Македонија и оскудноста на популациите придонесуваат и да нема посебен интерес од тој аспект.

Локацијата каде се развива овој вид се наоѓа во границите на НП Галичица и во крајбрежната линија на Охридското Езеро, што е дел од листата на УНЕСКО како природно наследство.

Видот треба да има посебен статус на заштита, со оглед на тоа што овој локалитет е туристички центар со голема посетеност особено во лето и есен, кога растението има оптимален вегетативен и репродуктивен период на развој. Треба да се земе предвид во просторните планови на НП Галичица.

Заради статусот на зачувување ширум Европа, ова растение е вклучено во Бернската конвенција и последователно наведено во Анекс II од ЕУ Директивата за живеалишта.